ZËRI I SAJ

Zëri yt. Hapësira jote e sigurt.

Dhuna që nuk denoncohet nuk duhet të mbetet edhe e padukshme.

Jo çdo rast i dhunës në familje arrin deri te institucionet.

Shumë gra dhe vajza jetojnë me frikë, nën kërcënime, presion familjar apo varësi ekonomike. Për këtë arsye, përvojat e tyre shpesh mbeten të padëgjuara dhe të papasqyruara në statistikat zyrtare.

ZËRI I SAJ synon të kontribuojë në bërjen të dukshme të kësaj pjese të realitetit.

Pse ekzistojmë?

Sepse mungesa e një denoncimi nuk do të thotë mungesë e dhunës.

Ne besojmë se kuptimi më i plotë i përmasave të dhunës në familje kërkon vëmendje edhe ndaj rasteve që mbeten jashtë evidencave zyrtare.

Çfarë synojmë?

Dukshmëri

Të bëjmë më të dukshme përvojat e grave dhe vajzave që shpesh mbeten në heshtje.

Dokumentim

Të zhvillojmë në të ardhmen mundësi për evidentimin e raportimeve, duke mbrojtur privatësinë dhe sigurinë e personave të përfshirë.

Të dhëna

Të kontribuojmë në kuptimin e fenomenit përmes statistikave të përmbledhura dhe analizave transparente, duke dalluar raportimet nga rastet e verifikuara.

Bashkëpunim

Të ndërtojmë gradualisht bashkëpunime me institucione, organizata dhe studiues.